پاکستان کے یوں تو کئی معاشی مسائل سے دوچار ہے مگر پاکستان کے بہت سارے مسائل کی اصل وجہہ امن و عامہ ہے .پاکستان گزشتہ ١٣ سالوں سے دہشت گردی کے خلاف جنگ میں  امریکہ کا  اتحادی بنا ہوا ہے .اس جنگ کی وجہ کے جہاں پاکستان کی سلامتی ا یک سوالیہ نشان بن چکی ہے وہاں پاکستان کے معاشی مسائل میں بےپناہ اضافہ کر دیا ہے . پاکستان اس جنگ میں ١٠٠ ارب ڈالر سے زائد خرچ کر چکا ہے .                                                                                                                   پاکستان کے معاشی مسائل کا میرے نزدیک واحد حل یہ ہی ہے کے ہمیں اپنے  وسائل کو بڑھانا ہو گا اور پہلے سے موجود انسانی ،قدرتی وسائل کو بچانا ہو گا ،اداروں میں موجود بدعنوانی کا خاتمہ کرنا ہو گا .ٹیکس کی آمدن کو بڑھانا ہو گا ایف بی آر کے اعدادوشمار کے مطابق پاکستان میں موجود چالیس لاکھ افراد ایسے ہیں جو ٹیکس دے سکتے ہیں مگر وہ کمزور حکومتی ڈھانچے کی بدولت ٹیکس نیٹ سے باہر ہیں .ہمارے حکمران ،وزرا ،پارلیمان کے نمایندے ،صنعت کار سب کو ٹیکس دینا ہو گا .                                                                                                                                             ہم سب مسلمان جنت میں جانا چاہتیں ہیں مگر جنّت میں جانے کے لیے پہلے  مرنہ پڑتا ہے .اسی طرح ہم پاکستان کو ترقی یافتہ دیکھنا چاہتے مگر اس کے لیے قربانی دینا ہو گی.معاشی عدم توازن ،کرپشن کی وجہ سے پاکستان کے بجٹ ہمیشہ خسارے کے ہوتے ہیں .خسارے کو پورا کرنے کے لیے I M F اور ورلڈ بینک سے شرائط پر قرضے لینے پڑتے ہیں جس کی وجہ سے بسا اوقات ملکی غیرت پر بھی سودے بازی کرنا پڑتی ہے .بدانتظامی کی حالیہ مثال تھر میں ہونے والی وہ اموات جو بھوک کی وجہ سے ہوئیں .                                                                                              کتنے شرم کی بات ہے گندم کی پیداوار کے حوالے سے خودکفیل ملک میں لوگ بھوک سے مر گے .