تصور کر یں کہ آپ کے پاس ایسا دوست ہو جو نہ صرف آپ کا بلکہ آپ کے چاہنے والوں کا بھی خیال رکھتا ہو آپ کے بزنس میں بھی مدد گار ہو اور آپ کا محافظ بھی ہو آپ کے پڑوسی بھی اسے دیکھ کر خوشی کا اظہار کریں اورسب سے بڑھ کر یہ اس کی اپنی کوئی مانگ نہ ہو۔
کیا حقیقت میں ایسا دوست ملنا ممکن ہے۔۔۔۔۔۔ اگر نہیں تو کیوں نہ اس کے لئے ٹیکنالوجی کا سہارہ لیا جائے ۔
امریکہ کی نائٹ اسکوپ کمپنی نے ایک ایسا پروٹو ٹائپ روبوٹ ‘‘کےفائیو’’ تیار کیا ہے جو نہ صرف آپ کی بات سمجھ سکتا ہے دیکھ سکتا ہے محسوس کر سکتا ہے یہ روبوٹ در حقیقت آر ٹیفیشل انٹیلی جنس کا شا ہکار ہے اس میں چہروں کو شناخت کر نے کی صلاحیت کے ساتھ ساتھ خطرات کو محسوس کرنے کی بھی صلاحیت ہے ، یہ سن بھی سکتا ہے اور بول بھی سکتا ہے۔
اس کی آنکھوں سے نکلنے والی شعاعیں ہو آنے جانے والے کو اسکین کر سکتی ہے اس کی ایک خصوصیت یہ بھی ہے
کہ یہ ایک ہی جگہ کھڑا ہو کر یہ کام سر انجام نہیں دے گا بلکہ اسے کسی بھی ماہر پولیس والے کی طرح بازاروں اور دیگر اداروں میں دیکھا جاسکے گا۔
