<<< عادي جدا >>>

عادي عندي اني اجي واقولك اني اسفه واني انا غلطانه

واني مش هعمل حاجه تدايقك تاني

واني بجد ندمانه

وانك عندي اغلي حد فحياتي وطول ما انت بعيد عني

 ببقا مش مطمنه وببقا قلقانه

هو دا احساسي وممكن عادي جدا اني اقولهولك

بس وبعدين

انا عايزه اعرف انا بالنسبالك ايه ؟؟؟؟؟؟؟؟

انت وانت  معايا كنت بتحلم بيه ؟؟؟

 كان نفسك بردو زيي ولا كان نفسك في ايه ؟؟؟؟

بس وماتقوليش بقا حبي ليكي ما يوصفهوش كلمات

والي بيحب حد مش بيبقا عايز اثبات

واني ليا مكانه خاصه عندك وشويه حاجات

انا مش عايزه اسمع دا

بص انت  بس علي الي فات !!!ء

 

انا ماكنتش بطلب المستحيل

انا كل الي كنت بطلبه اني احس انك معايا

انا ماكنتش عايزه اثبات او دليل

بس اي كلمه حلوه كانت هتقلب الحكايه

كان نفسي في عز واحنا متخانقين تيجي وتحكيني

وتقولي ماتزعليش هنكمل ونبقا مبسوطين

كان نفسي تيجي وتطمني

كان نفسي تكلمني

كان نفسي اسمعك وانت بتقولي

<<<< انتي مني  >>>>

كان نفسي ماتسبنيش وتروح وكاننا ما نعرفشي بعضنا

كان نفسي نقف قصاد الدنيا كلها ومايبقاش حد ادنا

كان نفسي مهما يحصل ايه ما فيش حاجه توقفنا

كان نفسي نكمل حلمنا واحنا بنحقق اهدافنا

كان نفسي نكمل ومن اي حاجه نعدي

كان نفسي في حاجات كتير

بس كان واضح انه كان نفسي انا لوحدي