عارف ايه قمه الوجع بالنسبه لبنت مصريه انها مش يبقي ليها اي خصوصيه ، اهلها يحسسوها انها ضايعه ولازم دايما يراقبوها ، راح فين يا انسه .. جايه مننين يا انسه .. عملتي ايه النهارده يا انسه .. بتكلمني مين علي الفيس .. بتكلمي مين في التليفون .. ليه مهتميه بنفسك اوووي كده وانتي خارجه ..
ببساطه وبكل صراحه دي حياتي ، مفهاش اي معني للخصوصيه حتي قوضتي اللي بنام فيها اخويه مشاركني ، مع ان من المفروض ان دي ابسط حقوقي كبنت اني انام في قوضه لوحدي بس حقيقي بعذرهم ناس مش في دماغها الا تتدخل في حياتي اكيد مش هيفكروا ولو لحظه واحده ان حد ينام معايا في قوضتي وخصوصوا لو ولد ان ده هيضقيني ..

المهم ما علينا يا سيدي حابه اقولك من الهري ده اللي انت مش هتستفاد منه اي حاجه اني فعلا تعبت وبقيت بفضل حاجات كتيره جدا ضد مبادئ وضد ديني ، بقيت حقيقي من جوه بفضل جدا نظام استقلال الاولاد والبنات عن اهلهم في سن معينه ، بقيت حقيقي بفضل جدا ان الاهل هناك مش بيمانعوا ان البنت يكون عندها صديق او حتي بوي فريند ، بقيت بضل جدا ده علي الاقل هي هتعمل كل حاجه قدماهم من غير ما تخاف ولا تفكر حتي انها تخبي .. بقبيت حقيقي ببص ان الحياه عندهم سهل اوي وبسيطه واحنا برضو كانت ممكن تبقي بسيطه سهله لو كنا اتولدنا كلنا من غير عقد من غير تخلف ولا جهل .

انا نفسي اقول حاجه لك اخ قاعد يكلم بنات اربعه وعشرين ساعتها ومقضيها دي صحبتي الانتيم ودي حبيتي ودي ودي ، بذمتك انت مش مكسوف من نفسك لما بتحلل نفسك انك تعيش مع الجنس التاني وبتحرم اختك انها بس تفكر فيه ..
يا اخي وربنا احنا لو عاوزين نعمل هنعمل وصدقني عمرنا مهنخاف من شويه اسئله هبله وحط دايما في دماغك انت والحاج الوالد والوالده بالمره لا وكمان زود عليهم الواد الصغير اللي عاملي فيه نفسه جمس بوند ( وربنا احنا لو عاوزين نعمل حاجه هنعمل ) .. فابوس ايديكم فككم منا وبلاش شغل سي السيد ده ...