’دنیا بھر میں کرکٹ کھیلتے ہوئے کم از کم 500 خواتین سے تعلقات قائم کئے‘ معروف بین الاقوامی کرکٹر نے زندگی کے شرمناک راز سے پردہ اٹھادیا

کنگسٹن (نیوز ڈیسک) ویسٹ انڈیز کے مشہور بلے باز کرس گیل آئے روز کسی متنازعہ حرکت کی وجہ سے خبروں کا موضوع بنتے ہیں، لیکن اگر آپ ان کے ہم وطن سابق فاسٹ باﺅلر ٹائنو بیسٹ (Tino Best) کے اخلاقی زوال پر نظر ڈالیں تو دنیا کے متنازعہ ترین سٹار بھی معصوم نظر آئیں گے۔
سابق فاسٹ باﺅلر نے اپنی بے راہ روی کا اعتراف اپنی عنقریب آنے والی کتاب مائنڈ دی ونڈوز (Mind the Windows) میں خود ہی کرتے ہوئے بتایا ہے کہ انہیں کرکٹ کے بعد دنیا میں ہر چیز سے زیادہ دلچسپی لڑکیوں کے ساتھ رہی ہے اور وہ اب تک 500 سے 700 لڑکیوں کے ساتھ تعلقات استوار کرچکے ہیں۔ ڈیلی میل کی رپورٹ کے مطابق ٹائنو کہتے ہیں کہ مختلف ممالک میں کرکٹ کھیلنے کے دوران وہ ہمیشہ اپنے ہوٹل سے نکل جاتے تھے اور خوبصورت لڑکیوں کے ساتھ کچھ وقت گزاری کرتے اور پھر انہیں اپنے ہوٹل میں لے آتے۔ ان کا کہنا ہے کہ وہ دنیا بھر میں ایسا کرتے رہے ہیں اور خصوصاً برطانیہ اور آسٹریلیا میں یہ ان کا محبوب ترین مشغلہ ہوتا تھا۔

33 سال تک ریپ اور قتل کے جرم میں سزا کاٹنے والا بے گناہ شخص بالآخر رہا، سب سے زیادہ دکھ قید میں رہنے کا نہیں بلکہ اس ایک واقعہ کا ہے، باہر نکلتے ہی ایسی بات کہہ دی کہ جان کر آپ کی آنکھیں بھی نم ہوجائیں
اپنی بے حیائی کی داستان سناتے ہوئے ٹائنو کہتے ہیں کہ ایک دفعہ تین ماہ کے آسٹریلوی دورے کے دوران انہوں نے 40 سے زائد لڑکیوں کے ساتھ تعلق استوار کیا۔ وہ کہتے ہیں کہ کبھی کبھار وہ دو یا تین لڑکیوں کو بھی اپنے ساتھ لے آتے تھے اور بعض اوقات کسی دوسرے کھلاڑی کو بھی اپنے ساتھ بلالیتے تھے۔
ٹائنو کا کہنا ہے کہ وہ دنیا بھر کی لڑکیوں کے ساتھ عیش پرستی کا وقت گزارچکے ہیں لیکن ان میں سب سے زیادہ تعداد آسٹریلوی لڑکیوں کی ہے۔ وہ کہتے ہیں کہ آسٹریلوی لڑکیاں دنیا میں سب سے زیادہ دلکش ہیں اور ہینڈسم لڑکوں کے ساتھ دوستی کرنے کے لئے ہمیشہ تیار ہوتی ہیں۔ ایسے ہی مزید شرمناک انکشافات سے بھرپور ان کی کتاب 28 اپریل کو شائع ہورہی ہے۔