والدین کو چند مفید ٹپس ضرور اپنانی چاہئیں
بچوں کی پرورش دنیا کا سب سے مشکل کام ہے- پرورش کے دوران والدین کو متعدد چھوٹے چھوٹے مسائل کا سامنا رہتا ہے مثلاً کبھی بچہ سوئچ بورڈ سے کھیلتے ہوئے کرنٹ کا شکار ہوا تو کبھی انگلیاں دروازے یا دراز میں آگئیں- لیکن ان پریشانیوں سے بچاؤ بھی کوئی مشکل کام نہیں- اس کے لیے آپ کو صرف چند آسان اور مفید ٹوٹکوں کو اپنی زندگی کا حصہ بنانا ہوگا-
بچوں کا درازوں میں تانک جھانک کرنا یا پھر ان میں انگلیاں پھنسا دینا ایک عام سی بات ہے لیکن اس کا حل بھی انتہائی آسان ہے- صرف ایک لمبے اسکیل کے ذریعے آپ اس مسئلے سے جان چھڑا سکتے ہیں-
ایسے سوئچ بورڈ جو فرش سے زیادہ بلندی پر نہیں ہوتے اکثر بچے ان سے کھیلنے کے دوران کرنٹ کا شکار بن جاتے ہیں- آپ کو چاہیے کہ ان بورڈز پر فرسٹ ایڈ پلاسٹر (سنی پلاسٹر) لگادیں کیونکہ یہ سوئچ بورڈ کو خراب بھی نہیں کرتا ہے اور جب چاہیں اتارا بھی جاسکتا ہے-
اکثر مائیں یہ بھول جاتی ہیں کہ انہوں نے بچے کو دوائی دینے کا آغاز کس دن سے کیا تھا یا کتنی خوراکیں دی جاچکی ہیں- اس کا آسان سا حل یہ ہے کہ دوائی کی بوتل پر دنوں کا ایک چارٹ بنا دیا جائے اور جو خوراک دی جاتی رہے یاد دہانی کے طور پر خالی باکس میں نشان لگایا جاتا رہے-
بچوں کے کپ مقناطیس کے ساتھ منسلک کر کے فریج پر ہی چپکائے جاسکتے ہیں اس طرح بچہ جب چاہے پانی پینے کے لیے کسی کو تنگ کیے بغیر اپنا کپ حاصل کرسکتا ہے-
دورانِ سفر بچوں کو گاڑی میں کھانے کے لیے چیزیں دینا کافی مشکل ہوتا ہے لیکن ایک چھوٹی سی ٹوکری آپ کی یہ مشکل آسان کرسکتی ہے- ٹوکری میں تمام چیزیں ایک ترتیب سے رکھ کر آپ بچے کو کھانے کے لیے دے سکتے ہیں-
اکثر بچے بجلی کے سوئچ سے کھیلنے کے بہت شوقین ہوتے ہیں- ایسے بچوں کی روک تھام کے لیے زیرِ نظر تصویر میں دکھایا جانے والا طریقہ سب سے بہتر ہے- اس طرح سوئچ آپ کے زیرِ استعمال بھی رہے گا اور بچوں کی دلچسپی بھی ختم ہوجائے گی-
بچوں کو مارکیٹ لے جائے بغیر بھی ان کے پاؤں کے سائز کے جوتے خریدنا ممکن ہے- اس کے لیے آپ بچے کے پاؤں کے سائز کی حقیقی ڈرائنگ بنا لیں اور مارکیٹ سے اسی سائز کا جوتا خرید لیں- یوں آپ بغیر دباؤ میں آئے آسانی سے باقی شاپنگ بھی کرسکتے ہیں-
ایسے خاندان جن کے بچوں کی عمروں کے درمیان زیادہ فرق نہیں ہوتا اور وہ کپڑے بھی ایک جیسے خریدتے ہیں انہیں بعد میں کپڑے پہچاننے میں مشکل کا سامنا کرنا پڑتا ہے کہ کونسا لباس کس بچے کا ہے- اس کا آسان سا حل یہ ہے کہ لباس کے سائز ٹیگ پر مارک کردیا جائے تاکہ شناخت آسان ہوجائے-
دہی کو فریزر میں منجمد کر کے اس کی آئس پاپ بنائی جاسکتی اور یہ بچوں کی ایک پسندیدہ غذا بھی بن جاتی ہے جبکہ اس کے صرف فوائد ہیں کوئی نقصان نہیں-
