تمہارے شہر کا موسم بڑا سہانا لگے
مَیں ایک شام چرا لو__ اگر بُرا نہ لگے

تمہارے بس میں اگر ہے تو بھُول جاؤ ہمیں
تمہیں بھلانے میں شاید ہمیں زمانہ لگے

جو ڈُوبنا ہے تو اتنے سکون سے ڈوبوں
کہ آس پاس کی لہروں کو بھی پتہ نہ لگے

وہ پھول جو مرے دامن سے ہو گئے منسوب
خدا کرے انھیں بازار کی___ ہوا نہ لگے

نہ جانے کیا ہے کسی کی اداس آنکھوں میں
وہ منہ چھپا کے بھی جائ_ تو بے وفا نہ لگے

تو اس طرح سے مرے ساتھ بے وفائی کر
کہ تیرے بعد_ مجھے کوئی بےوفا نہ لگے

تم آنکھ موند کے پی جاؤ زندگی قیصر
کہ ایک گھونٹ میں ممکن ہے بد مزہ نہ لگے