great

Posted on at


Ghazal Shayari

Gulshan ki baharon pe sar-e-shaam likha hai,
Phir uss ne kitaabon pe mera naam likha hai,

Yeh dard musalssal meri duniya main rahe ga,
Kuch soch ke us ne mera anjaam likha hai,

Jis ne meri jaanib kabhi murr kar nahin dekha,
Suna hai uss shakss ke hathon pe mera naam likha hai..

 Listen this Poetry »

2 votes, 5.00 avg. rating

Send SMS | added on January 26th, 2015

 



Darwaza koi ghar se nikalne ke liye de..

Ghazal Shayari

Darwaza koi ghar se nikalne ke liye de,
Behauf koi raasta chalne ke liye de,

Aankhon ko khawb ataa kiye shukria lekin,
Paikar bhi koi khawbon main dhalne ke liye de,

Sehmi huyi shaakhon ko zara si koi mohlat,
Sooraj ki sawaari ko nigalne ke liye de,

Sab waqt ki deewar se sar phorr rahe hain,
Koi humain bhi to raasta bhaag nikalne ke liye de,

Sailaab main mujh ko aye phenkne wale,
Toota hua aik pal hi sambhalne ke liye de,

Bedard mohabbatain hain bedard dilon ki,
Koi cheez to inhe bhi pighalne ke liye de..

13 votes, 4.15 avg. rating

Send SMS | added on January 20th, 2015

 



Shor hai kyun gali gali dekho..

Ghazal Shayari

Patiyaan ho gayi hain hari dekho,
Khud se bahaar bhi to kabi dekho,

Phir khilli kya koi kalli dekho,
Shor hai kyun gali gali dekho,

Yaad aur yaad ko bhulaane main,
Umar ki fassal katt gayi dekho,

Subah ki fikar baad main karna,
Raat kitni katt gayi dekho,

Zindagi kis tarah tumhari Nizam,
Uljhanon main ulajh gayi dekho..

16 votes, 4.19 avg. rating

Send SMS | added on January 15th, 2015

 



Hum aik sheher main ab khush bhi reh nahi sakte..

Ghazal Shayari

Judaa hone ka andesha bhi seh nahin sakte,
Hum aik sheher main ab khush bhi reh nahi sakte,

Yeh roz-o-shab hain hamare ke aik dusre se,
Chupaaye phirte hain ehwaal, keh nahin sakte,

Shakist-e-zaat ka izhaar chahte bhi nahin,
Ajeeb haal hai, hum chup bhi reh nahin sakte,

Haqeeqton ki chattaanain bhi apni raah main hain,
Khayaal-o-khawb ke daryaa main bhi reh nahin sakte,

Woh beqasoor hai esi bhi koi baat nahin,
Qasoor vaar hain hum, yeh bhi keh nahin sakte..

11 votes, 4.00 avg. rating

Send SMS | added on January 13th, 2015

 



Choota jo tera haath to hum toot ke roye..

Ghazal Shayari

Choota jo tera haath to hum toot ke roye,
Tum jo na rahe saath to hum toot ke roye,

Chahat ki tamanna thi aur zakhm diye tum ne,
Paayi jo yeh saughaat to hum toot ke roye,

Imkaan na tha door talak tajdeed-e-talluq ka,
Dekhe jo yeh halaat to hum toot ke roye,

Anjaan they hum ab tak dard ki surat se,
Huyi jo mulaqaat to hum toot ke roye,

Logon se bohat poocha sabab veerani ka,
Jo soojhi na koi baat to hum toot ke roye,

Thi dhoop bohat taiz har simt judayi ki,
Barsi jo na barsaat to hum toot ke roye,

Din bhar to rahe chup ke duniya ki nazron se,
Bheegi jo seyaah raat to hum toot ke roye,

Samjha tha sadaa tujh ko apna hi ik hissa,
Tukrron main batti zaat to hum toot ke roye,



About the author

nouman-assad

Subscribe 0
160